föstudagur, 26. febrúar 2010

Súrsætt svínakjöt

Súrsætt svínakjöt
1 kg. svínakjöt í litlum bitum
250 gr. bambusskot (bamboo shots)
1 græn paprika í strimlum
2 laukar í strimlum
1 tesk. salt
2 matsk. koníak eða þurrt sérrí
2 egg
4 matsk. maizenamjöl
4 matsk. hveiti

Sósa:
6 matsk. edik
6 matsk. sykur
1 tesk. salt
1 lítil dós tómatpure
2 matsk. sojasósa
1 tesk. sesamolía

Blandið saman salti og koníaki, hrærið því saman við kjötið og látið standa í 15 mínútur. Hrærið saman egg, maizenamjöl og hveiti og hrærið blöndunni saman við kjötið. Djúpsteikið kjötbitana í 3-5 mínútur eða þar til þeir eru fallega brúnaðir. Gætið þess að setja ekki of mikið á pönnuna í einu því þá kólnar olían. Þegar allt kjötið hefur verið steikt eru bambusskotin djúpsteikt í 2-3 mínútur, kjötið sett aftur á pönnuna og steikt áfram í 2 mínútur. Takið af pönnunni og hellið olíunni en skiljið eftir ca. 2 matsk. Steikið þá laukinn og paprikuna í nokkrar mínútur, bætið öllu sem á að fara í sósuna saman við og látið sjóða í nokkrar minútur eða þar til sósan hefur þykknað. Bætið þá kjötinu og bambusskotunum saman við og blandið vel saman. Berið fram með soðnum hrísgrjónum.

Engin ummæli:

Related Posts Plugin for WordPress, Blogger...