miðvikudagur, 4. janúar 2012

Sörur

Sarah Bernhadts kökur

Kökur:
3 eggjahvítur
3 1/4 dl. flórsykur
200 gr möndlur, fínt malaðar

Krem:
3 eggjarauður
150 gr. mjúkt smjör
1/2 dl. síróp
1 matsk. kakó
1 tesk. neskaffiduft leyst upp í örlitlu sjóðandi vatni

Hjúpur:
750 gr. suðusúkkulaði

Stifþeytið eggjahvíturnar og blandið möndlum og flórsykri varlega saman við. Setjið deigið með teskeið á bökunarpappír og bakið við 180° í 10-15 minútur.

Þeytið eggjarauðurnar vel saman ásamt sírópinu og hrærið síðan smjörinu saman við. Blandið að lokum kakóinu og kaffinu vel saman við. Látið kremið kólna vel áður en það er sett á kökurnar.

Setjið kremið á kökurnar og dýfið svo kremhliðinni í brætt súkkulaðið til að hjúpa þær.

Kökurnar geymast best í frysti.

4 ummæli:

Nafnlaus sagði...

hvað eru þetta margar kökur?

Fanney sagði...

Ég hugsa að þetta séu 80-100 kökur. Fer eftir því hvað þú gerir þær stórar.
Kv.
Fanney

Helena sagði...

Til minnis:
Tvöfalda uppskrift af kremi þarf á móti einfaldri uppskrift af kökum.

Helena Melax sagði...

3,25 dl af flórsykri eru 185 gr

Related Posts Plugin for WordPress, Blogger...