Uppskriftir

Döðlubrauð með banana

2012-02-12T11:52:00.003Z

1 bolli sjóðandi vatn
250 gr. döðlur
2 bananar, stappaðir
1/2 dl. olía
2 egg
250 gr. spelt
2 tesk. lyftiduft

Hellið sjóðandi vatninu yfir döðlurnar og látið standa í um hálfa klukkustund. Blandið öllum hráefnunum saman í stórri skál og hrærið vel saman með sleif. Athugið að vatnið af döðlunum á að fara út í deigið.
Setjið deigið í vel smurt formkökuform (gott er að klæða botninn með bökunarpappír) og bakið við 180° í 50-60 mínútur.

Sörur

2012-01-04T21:13:00.006Z

Kökur:
3 eggjahvítur
3 1/4 dl. flórsykur
200 gr möndlur, fínt malaðar

Krem:
3 eggjarauður
150 gr. mjúkt smjör
1/2 dl. síróp
1 matsk. kakó
1 tesk. neskaffiduft leyst upp í örlitlu sjóðandi vatni

Hjúpur:
750 gr. suðusúkkulaði

Stifþeytið eggjahvíturnar og blandið möndlum og flórsykri varlega saman við. Setjið deigið með teskeið á bökunarpappír og bakið við 180° í 10-15 minútur.

Þeytið eggjarauðurnar vel saman ásamt sírópinu og hrærið síðan smjörinu saman við. Blandið að lokum kakóinu og kaffinu vel saman við. Látið kremið kólna vel áður en það er sett á kökurnar.

Setjið kremið á kökurnar og dýfið svo kremhliðinni í brætt súkkulaðið til að hjúpa þær.

Kökurnar geymast best í frysti.

Quesadillas

2011-11-27T18:55:00.002Z

180 gr. rjómaostur
1/2 dl. kotasæla
2 1/2 dl. rifinn ostur
4 tortillakökur
1 dl. sólþurrkaðir tómatar
2 hvítlauksrif
1/2 dl. fersk basilika
1 grænt chili
100 gr. beikon
2 dl. blaðlaukur

Setjið rjómaostinn, kotasæluna og helminginn af ostinum í matvinnsluvél og maukið. Setjið tvær tortillakökur á smjörpappír og smyrjið ostamaukinu ofan á þær. Skerið beikonið smátt og steikið það. Saxið allt grænmetið smátt, blandið því saman við beikonið og skiptið blöndunni á. Leggið hinar tortillakökurnar ofan á og dreifið afganginum af ostinum yfir. Bakið við 200° í 10-15 mínútur eða þar til osturinn er bráðinn og farinn að brúnast.

Speltvefjur

2011-11-23T09:44:00.001Z

Þessi uppskrift kemur úr bókinni Grænn kostur Hagkaupa

5 dl. spelt
2 matsk. sesamfræ
1 tesk. maldon salt
1/2 dl. ólífuolía
150 - 175 ml. heitt vatn

Allt hráefnið er sett í hrærivélarskál og hrært saman. Ef deigið er of þurrt má bæta meira vatni við. Deiginu skipt í 8 hluta sem eru flattir þunnt út (ca. 20-25 sm. í þvermál). Athugið að best er að fletja þá út jafnóðum og þeir eru bakaðir. Kökurnar bakaðar á vel heitri pönnu í um eina mínútu á hvorri hlið og settar inn í rakt viskastykki til að þær harðni ekki.

Fanneyjarfiskur

2011-11-02T19:57:00.001Z

Þetta er uppáhaldsfiskrétturinn á heimilinu.

1 bolli hrísgrjón
800 gr. ýsuflök
1 dós niðursoðnir tómatar
1 dl. majones
2 tesk. karrý
1 tesk. maldon salt
150 gr. rifinn ostur

Sjóðið hrísgrjónin og passið að salta þau því annars getur rétturinn orðið bragðdaufur. Skerið fiskinn í bita, saltið og piprið og bakið við 180° í 15 mínútur. Maukið tómatana (og safann) ásamt majonesi, karrý og salti. Setjið hrísgrjónin í eldfast mót, raðið fiskinum yfir, hellið því næst sósunni yfir og dreifið að lokum rifna ostinum yfir allt. Bakið við 200° í 15 mínútur eða þar til osturinn er bráðinn og farinn að brúnast.
Berið fram með soðnum kartöflum og salati.

Heitar ostasnittur

2011-09-11T12:24:00.002+01:00

1 lítil dós majones
1 dós rækjusmurostur
1 dós sýrður rjómi
1 dós grænn aspas
1 skinkubréf
2 snittubrauð

Majones, smurostur og sýrður rjómi sett í skál og hrært saman. Vökvanum hellt af aspasnum, skinkan skorin í litla bita og blandað saman við ostahræruna. Snittubrauðin skorin í sneiðar og blöndunni smurt á brauðið. Bakað í 180° heitum ofni þangað til snitturnar hafa brúnast örlítið.

Þorpspizza

2011-09-04T11:21:00.006+01:00

Botn:
250 g spelt
2 tesk. lyftiduft
1 tesk. maldon salt
1,5 - 2 dl. vatn
1 matsk. ólífuolía

Ofan á:
1/2 lítil dós tómatpurre og sama magn af köldu vatni
3 kjúklingabringur
1 grænt chili fræhreinsað
3 hvítlauksrif
ca. 50 gr. hreinn rjómaostur
1 box kirsuberjatómatar
1/4 rauð paprika
1 ferskur mozarella
fersk steinselja

Blandið saman spelti, lyftidufti og salti. Blandið olíu og vatni saman við og hnoðið lauslega. Fletjið deigið þunnt út og bakið við 150° í um 15 mínútur.

Hrærið tómatpurre og vatni saman og smyrjið yfir pizzabotninn.

Skerið kjúklingabringurnar í litla bita og steikið á pönnu ásamt smáttsöxuðu chili og hvítlauk. Saltið og piprið eftir smekk. Dreifið kjúklingablöndunni yfir pizzabotninn. Skerið tómatana í fernt og paprikuna í örþunnar ræmur og dreifið yfir kjúklinginn.
Rjómaosturinn er settur yfir með tveimur teskeiðum svo að úr verði litlar kúlur og að lokum er mozarellaosturinn skorinn í þunnar sneiðar og settur yfir.

Pizzan bökuð við 200° í ca 20 mínútur og saxaðri steinselju stráð yfir þegar hún kemur úr ofninum.

Gott er að borða pizzuna með hvítlauksolíu eða góðri ólífuolíu.

Kókossúpa með núðlum

2011-08-17T07:36:00.001+01:00

2 dósir kókosmjólk
4 dl. vatn
3 hvítlauksrif
3 matsk. ferskur engifer
3-4 matsk. fiskisósa
1 rautt chili
1 kínakálshöfuð
1 búnt ferskt kóríander
1 pakki hrísgrjónanúðlur
Salt og pipar

Núðlurnar soðnar eftir leiðbeiningum á pakka. Kókosmjólk og vatn sett í pott, hvítlaukur og engifer rifið smátt og sett út í ásamt fiskisósu og smátt söxuðu, fræhreinsuðu chili. Látið sjóða í nokkrar mínútur og bragðbætt með salti og pipar ef þarf. Kínakálið saxað gróft og sett saman við og látið sjóða þar til það er mjúkt. Að lokum er soðnum núðlunum blandað saman við súpuna og söxuðu kóríander stráð yfir.

Spænskt kartöflusalat

2011-07-20T13:36:00.001+01:00

1/2 dl. rauðvínsedik
1 matsk. hunang
væn klípa af saffrani
2 1/2 dl. majones
1 hvítlauksrif, marið eða rifið
1 kg. kartöflur
2 tómatar
1 rauðlaukur
1 búnt steinselja
salt og pipar

Setjið edik, hunang og saffran í lítinn pott og komið upp suðu. Takið strax af hitanum og látð blönduna kólna í stofuhita. Þegar blandan hefur kólnað er henni hellt úr í majonesið ásamt hvítlauknum. Bragðbætt með salti og pipar eftir smekk.
Kartöflurnar soðnar og skornar í bita. Ef notaðar eru nýjar kartöflur þarf ekki að afhýða þær. Blandið kartöflunum strax saman við majonesið ásamt kjarnhreinsuðum tómötunum, rauðlauknum og steinseljunni og kryddið með salti og pipar ef þarf.

Bláberjavöfflur

2011-07-17T10:22:00.002+01:00

3 egg
1 1/2 bolli súrmjólk
1 tesk. matarsódi
1 3/4 bolli hveiti
2 tesk. lyftiduft
1/2 tesk. salt
1/2 bolli olía eða brætt smjör
1 poki frosin bláber

Hrærið saman eggjum, súrmjólk og matarsóda og bætið afganginum af þurrefnunum saman við. Hrærið þar til deigið er kekkjalaust og blandið þá frosnum bláberjum saman við.

Vöfflurnar eru góðar með hlynsírópi.

Sítrónukjúklingur

2011-06-27T18:22:00.001+01:00

2 kjúklingar eða samsvarandi magn af kjúklingabitum
2 sítrónur
2 hvítlauksrif
1 rósmaríngrein
1/2 dl. ólífuolía
2 tesk. maldon salt
1/2 tesk malaður svartur pipar

Börkurinn rifinn af sítrónunum og hann settur í skál ásamt safanum. Hvítlaukurinn rifinn og setur út í ásamt söxuðu rósmarín, olíu, salti og pipar og blandað vel saman.
Kjúklingurinn settur í fat, leginum hellt yfir og látið marinerast í að minnsta kosti 6 klst.
Kjúklinginn má elda í ofni við 180° eða grilla á útigrilli.

Kartöflusalat með graslauk

2011-06-18T10:47:00.003+01:00

1 kg. kartöflur
2 dósir sýrður rjómi
1 1/2 matsk. dijon sinnep
1 búnt graslaukur
1 búnt steinselja
salt og pipar

Kartöflurnar soðnar, kældar og skornar í frekar litla bita. Ef notaðar eru nýjar kartöflur er gott að hafa hýðið á þeim.
Sinnepinu hrært saman við sýrða rjómann. Graslaukurinn og steinseljan söxuð mjög smátt (passið að henda stönglunum af steinseljunni) og blandað saman við. Saltað og piprað eftir smekk. Að lokum er kartöflunum blandað varlega saman við.

Grískt pastasalat

2011-05-07T10:26:00.001+01:00

350 gr. penne pasta
1 kíló vel þroskaðir tómatar
1 blaðlaukur
1 krukka fetaostur í olíu
1 búnt dill
Salt og pipar

Skerið tómatana í tvennt, takið fræin innan úr þeim og saxið þá svo smátt. Saxið blaðlaukinn smátt ásamt dillinu og hrærið saman við tómatana. Sjóðið pastað samkvæmt leiðbeiningum og setjið það heitt saman við grænmetið. Blandið að lokum fetaostinum og olíunni saman við, saltið og piprið eftir smekk og borðið með góðu brauði.

Muffins með banana, súkkulaði og hnetusmjöri

2011-05-01T12:19:00.003+01:00

50 gr. súkkulaði (70%)
50 gr. hnetusmjör
60 gr. smjör
100 gr. hrásykur
2 bananar
1 egg
1/2 tesk. vanilludropar
150 gr. hveiti
1/2 tesk. salt
1/2 tesk. matarsódi
2 matsk. sjóðandi vatn

Ofan á:
50 gr. súkkulaði (70%), saxað
10-12 tesk. hnetusmjör

Bræðið súkkulaðið og hnetusmjörið saman yfir vatnsbaði. Bræðið smjörið og hrærið sykrinum saman við. Stappið bananana og hrærið ásamt vanilludropunum og egginu saman við sykurinn og smjörið. Hrærið súkkulaðinu og hnetusmjörinu saman við, bætið vatninu í deigið og blandið svo þurrefnunum varlega saman við. Setjið deigið í 10-12 muffinsform, setjið eina teskeið af hnetusmjöri ofan á hverja köku og dreifið saxaða súkkulaðinu svo yfir. Bakið við 160° í 20-25 mínútur.
Kökurnar eru betri ef þær fá að kólna dálítið.

Svínalundir með döðlum og gráðaosti

2011-03-27T11:23:00.001+01:00

1200 gr. svínalundir
60 gr. döðlur
6 hvítlauksrif
1 box sveppir
1 laukur
4 dl. rjómi
100 gr. gráðaostur
salt og pipar

Lundirnar hreinsaðar af himnum og fitu og skornar í bita, ekki of litla. Kjötið brúnað á pönnu, kryddað með salti og pipar og sett í eldfast mót. Sveppir, laukur, hvítlaukur og döðlur saxað og steikt á pönnunni. Rjómanum og ostinum bætt út í og látið krauma þar til osturinn hefur bráðnað. Þá er sósunni hellt yfir kjötið og rétturinn eldaður í 180° heitum ofni í 15-20 mínútur.

Kjúklingur með bambussprotum

2011-03-01T08:39:00.006Z

1 kg. kjúklingabringur
2 hvítlauksrif
1 rautt chili
1-2 matsk. rautt karrýmauk
2 dósir kókosmjólk
1 matsk. fiskisósa
2 tesk. hrásykur
1 dós bambussprotar
1 búnt fersk basilika (aðeins blöðin)

Skerið kjúklinginn í litla bita og brúnið á vel heitri pönnu. Setjið til hliðar. Saxið hvítlauk og chili (takið fræin úr chilinu) smátt og steikið í eina mínútu ásamt karrýmaukinu. Hellið þá kókosmjólkinni út í ásamt sykri og fskisósu og látið sjóða í 10-15 mínútur eða þar til sósan hefur þykknað. Bætið þá bambussprotunum og kjúklingnum saman við og eldið áfram í 4-5 mínútur. Að lokum er basilikan söxuð og bætt við.

Döðlukaka

2011-02-26T11:48:00.008Z

Þessa gómsætu köku fékk ég hjá Hrafnhildi vinkonu minni.

150 gr. döðlur, smátt skornar
100 gr. valhnetur, saxaðar
100 gr. dökkt súkkulaði
200 gr. hrásykur eða 130 gr. agave sýróp
3 matsk. spelt
1 tesk. vanilludropar
3 matsk. kalt vatn
2 egg
1 tsk vínsteinslyftiduft

Ofan á kökuna:
100 gr. dökkt súkkulaði
grófar kókósflögur
jarðarber

Blandið hráefnunum vel saman og látið í lausbotna form. Bakið við 180°C í 20 mínútur, látið kólna. Bræðið súkkulaðið og setjið yfir kökuna, skreytið með kókosflögum og jarðarberjum.
Kakan þarf að kólna alveg áður en hún er borðuð.

Sjö laga ídýfa

2011-02-25T18:12:00.004Z

1 dós refried beans
3 tesk. taco krydd
1 dós sýrður rjómi
1 krukka taco sósa
1- 2 avocado
sítrónusafi
100 gr. rifinn ostur
3 tómatar
1 búnt vorlaukur
1 dl. svartar ólífur

1. lag: Hrærið saman refried beans og taco kryddi og smyrjið á disk
2. lag: Hrærið sýrða rjómann örlítið og smyrjið yfir
3. lag: Hellið taco sósunni yfir
4. lag: Stappið avocadoið með örlitlum sítrónusafa og dreifið yfir
5. lag: Stráið rifna ostinum yfir
6. lag: Hreinsið fræin úr tómötunum og skerið þá smátt ásamt vorlauknum og dreifið yfir
7. lag: Skerið ólífurnar í sneiðar og setjið yfir dýfuna

Berið fram með tortilla flögum

Vöfflur

2011-02-19T09:58:00.003Z

2 egg
1/2 líter súrmjólk
1 tesk. matarsódi
2 bollar hveiti
2 tesk. lyftiduft
1/2 tesk. salt
6 matsk. olía eða brætt smjör
1/2 tesk. vanilludropar (má sleppa)

Hrærið saman eggjum, súrmjólk og matarsóda og bætið afganginum af þurrefnunum saman við. Hrærið þar til deigið er kekkjalaust og bætið þá matarolíu og vanilludropum saman við.

Tehleifur

2011-01-12T19:57:00.003Z

1 tepoki
3 dl. sjóðandi vatn
300 gr. rúsínur (eða blandaðir þurkaðir ávextir, smátt skornir)
2 egg
150 gr. púðursykur
225 gr. hveiti
1 tesk. lyftiduft
1 tesk. kanell

Hellið vatninu yfir tepokann og látið standa í 5 mínur. Takið tepokann úr, hellið teinu yfir rúsínurnar og látið standa í nokkra klukkutíma eða yfir nótt.
Hrærið púðursykrinum og eggjunum vel saman við rúsínurnar og blandið að lokum hveitinu, lyftiduftinu og kanelnum saman við.
Hellið deiginu í smurt form og bakið við 180° í 1 1/2 klukkustund eða þar til brauðið er bakað. Kælið í forminu í 10 mínútur áður en það er tekið úr.
Borðið með smjöri og athugið að best er brauðið þegar það hefur fengið að bíða í einn sólarhring.

Kornflexkökur

2010-12-13T21:09:00.008Z

4 eggjahvítur
1/2 tesk. salt
1 bolli sykur
1 1/2 bolli kókósmjöl
2 bollar kornflex, gróft mulið
1 bolli súkkulaði, brytjað
100 gr. saxaðar heslihnetur
1 1/2 tesk. vanilludropar

Eggjahvítur og salt þeytt, sykri bætt við og stífþeytt. Kókosmjöli, kornflexi, súkkulaði og hnetum blandað varlega saman við. Sett með teskeið á bökunarpappír og bakað við 175° í ca. 10 mínútur eða þar til kökurnar hafa tekið örlítinn lit.

Kartöflusalat með ólífum

2010-12-13T21:01:00.007Z

1 kg. kartöflur
1 krukka fetaostur í olíu
1/2 krukka sólþurrkaðir tómatar
1/2 krukka svartar ólífur
1 rauðlaukur
1/2 búnt fersk steinselja (gróft söxuð)

Saxið tómatana, skerið ólífurnar í þrennt og laukinn í þunnar sneiðar. Setjið i skál og blandið fetaostinum ásamt olíu saman við. Sjóðið kartöflurnar, skerið þær í bita og blandið saman við grænmetið meðan kartöflurnar eru ennþá heitar. Grófsaxið að lokum steinseljuna og blandið saman við.

Chili dýfa

2010-11-29T10:17:00.001Z

200 gr. rjómaostur
1 dl. majones
1 dl. rifinn ostur
1 rautt chili

1 dl. fín brauðmylsna
1/2 dl. rifinn parmesanostur
20 gr. smjör í litlum bitum

Setjið rjómaost, majones, rifinn ost og chili í matvinnsluvél og maukið vel. Setjið blönduna í eldfast mót, blandið saman brauðmylsnu og parmesan osti og dreifið yfir. Dreifið smjörbitunum að lokum yfir og bakið við 180° í ca. 30 mínútur eða þar til toppurinn hefur brúnast örlítið og dýfan er heit í gegn.

Blinis

2010-11-13T15:14:00.001Z

225 gr. hveiti
2 tesk. þurrger
1 dós sýrður rjómi
2 dl. mjólk
2 egg
1 tesk. salt

ca. 40 gr. brætt smjör til að steikja pönnukökurnar

Hrærið öllu nema smjörinu saman í skál og látið deigið hefst í um eina klukkustund. Smyrjið þá stóra pönnu með smjöri og steikið pönnukökurnar á báðum hliðum. Hæfilegt magn í hverja köku er
1 - 1 1/2 matsk. Athugið að smyrja pönnuna fyrir hvern skammt.

Berið kökurnar fram með sýrðum rjóma, reyktum laxi, kavíar og söxuðum rauðlauk.

Límonaði

2010-06-05T08:55:00.001+01:00

6 sítrónur
150 gr. sykur
1.4 l. soðið vatn

Skerið börkinn af sítrónunum í strimla og kreistið úr þeim safann. Setjið í stóra könnu ásamt sykrinum og hellið sjóðandi vatni yfir. Setjið lok á könnuna og látið standa á köldum stað í einn sólarhring. Sigtið límonaðið og bætið í það meiri sykri eða vatni ef þarf. Setjið klaka út í og berið fram ískalt.

Hindberja créme brulée

2010-05-28T10:43:00.001+01:00

3 dl. rjómi
2.5 dl. nýmjólk
1 vanillustöng
125 gr. sykur
5 eggjarauður
Frosin hindber
Hrásykur

Vanillustöngin klofin (fræin skafin úr) og soðin í mjólkinni og rjómanum ásamt helmingnum af sykrinum. Látið kólna dálítið. Rauðurnar þeyttar með afganginum af sykrinum, rjómablandan sigtuð og þeytt smám saman út í eggin. Hindberin sett í botninn á litlum eldföstum formum og rjómablöndunni hellt yfir. Bakað í vatnsbaði við 150° í ca. 1 klukkustund eða þar til búðingurinn er stífur. Þá er hann kældur vel í formunum, hrásykri stráð yfir og hann bræddur með gasloga þar til hann er farinn að brúnast vel.

Gulrótarmuffins

2010-03-30T18:48:00.004+01:00

2 egg
2 dl. sykur
2 dl. hveiti
1 tesk. matarsódi
1 tesk. kanell
1 tesk. lyftiduft
1 dl. matarolía
1-2 rifnar gulrætur
100 gr. saxaðar heslihnetur
Öllu hrært saman, sett í muffinsform og bakað við 175° í 15-20 mínútur.

Krem:
200 gr. rjómaostur
30 gr. smjör
2 dl. flórsykur
1 tesk. vanilludropar
Þeytt vel saman og breitt yfir kökurnar þegar þær eru orðnar kaldar.

Ostasalat

2010-03-30T18:40:00.004+01:00

1 piparostur
1 camembert
1 lítil dós majones
1 dós sýrður rjómi
1/2 blaðlaukur
1 paprika
1 lítil dós kurlaður ananas
vínber eftir smekk

Ostarnir skornir í litla bita. Blaðlaukur og paprika saxað smátt, safinn látinn renna vel af ananasinum og vínberin skorin í tvennt. Öllu blandað saman og kælt vel. Borið fram með kexi eða brauði.

Tortellini með spínati og beikoni

2010-03-27T08:41:00.001Z

500 gr. tortellini
100 gr. ferskt spínat
300 gr. steikt beikon
2 dl. rifinn parmesan ostur
2 dl. ólífuolía
1 dl. bragðlítil olía (td. isio)
4 hvítlauksrif
1 tesk. þurrkað basil
salt og pipar

Tortellini soðið samkvæmt leiðbeiningum á pakka. Spínat, beikon, hvítlaukur, basil og olía sett í matvinnsluvél og maukað. Ostinum blandað saman við og kryddað með salti og pipar ef þarf.
Að lokum er soðnu pastanu blandað saman við.

Súrsætt svínakjöt

2010-02-26T06:07:00.003Z

1 kg. svínakjöt í litlum bitum
250 gr. bambusskot (bamboo shots)
1 græn paprika í strimlum
2 laukar í strimlum
1 tesk. salt
2 matsk. koníak eða þurrt sérrí
2 egg
4 matsk. maizenamjöl
4 matsk. hveiti

Sósa:
6 matsk. edik
6 matsk. sykur
1 tesk. salt
1 lítil dós tómatpure
2 matsk. sojasósa
1 tesk. sesamolía

Blandið saman salti og koníaki, hrærið því saman við kjötið og látið standa í 15 mínútur. Hrærið saman egg, maizenamjöl og hveiti og hrærið blöndunni saman við kjötið. Djúpsteikið kjötbitana í 3-5 mínútur eða þar til þeir eru fallega brúnaðir. Gætið þess að setja ekki of mikið á pönnuna í einu því þá kólnar olían. Þegar allt kjötið hefur verið steikt eru bambusskotin djúpsteikt í 2-3 mínútur, kjötið sett aftur á pönnuna og steikt áfram í 2 mínútur. Takið af pönnunni og hellið olíunni en skiljið eftir ca. 2 matsk. Steikið þá laukinn og paprikuna í nokkrar mínútur, bætið öllu sem á að fara í sósuna saman við og látið sjóða í nokkrar minútur eða þar til sósan hefur þykknað. Bætið þá kjötinu og bambusskotunum saman við og blandið vel saman. Berið fram með soðnum hrísgrjónum.

Pepperoni brauðréttur

2010-02-11T06:58:00.005Z

1/2 samlokubrauð
1 bréf pepperoni
1 blaðlaukur
250 gr. sveppir
1/2 krukka sólþurrkaðir tómatar
5 dl. matreiðslurjómi
1 mexíkó ostur
1 poki gratínostur

Skorpan skorin af brauðinu, það skorið í litla bita og sett í botninn á smurðu eldföstu móti. Pepperoni, blaðlaukur, sveppir og sólþurrkaðir tómatar er skorið smátt og blandað saman í skál. Gott er að blanda dálítilli olíu af tómötunum út í blönduna. Dreift yfir brauðið. Skerið mexíkó ostinn í bita og bræðið í potti ásamt rjómanum. Látið kólna örlítið, hellið svo blöndunni yfir brauðið og dreifið gratínostinum yfir. Bakið við 200°C í ca. 20 mínútur.

Súkkulaðimús með hindberjum

2010-02-06T14:35:00.006Z

100 gr. súkkulaði
2 matsk. smjör
2 matsk. heitt vatn
1 peli rjómi, þeyttur
3 egg, aðskilin
1 matsk. sykur
hindber

Súkkulaði, smjör og vatn brætt saman. Látið kólna niður í líkamshita.
Eggjahvítur og sykur þeytt saman þar til eggjahvítur eru stífar.
Eggjarauðum hrært saman við súkkulaðið þegar það hefur kólnað, og síðan 1/3 af þeytta rjómanum. Þá er helmingnum af eggjahvítunum hrært saman við. Þegar þær hafa blandast er afganginum af hvítunum blandað saman við og að lokum afganginum af rjómanum. Helmingurinn af músinni settur í skál, hindberjum dreift yfir og afgangurinn af músinni settur yfir. Skreytt með hindberjum og borið fram með þeyttum rjóma.

Koníakslöguð apríkósusulta með pekan hnetum

2009-12-24T10:05:00.004Z

Alvöru jólasulta frá Sóleyju

1 kg. þurrkaðar apríkósur, gróft saxaðar
1 l. eplasafi
Safi og rifinn börkur af einni sítrónu
1 kg. sykur
150 gr. pecan hnetur, gróft saxaðar
1 dl. koníak + 1 tesk. í hverja krukku

Látið apríkósurnar liggja í bleyti í eplasafanum í nokkra klukkutíma eða yfir nótt. Setjið í pott ásamt safanum og látið sjóða í 20 mínútur eða þar til apríkósurnar eru meyrar.
Blandið sítrónusafa og berki, hnetum og sykri saman við og sjóðið áfram við vægan hita í um 15 mínútur. Þeir sem eiga sykurmæli láta sultuna sjóða þar til mælirinn sýnir 105°. Takið sultuna af hitanum og látið kólna í 10 mínútur.
Hrærið koníakinu saman við og setjið strax í heitar krukkur. Hellið einni teskeið af koníaki í hverja krukku.
Gott er að láta sultuna standa í viku áður en hún er notuð.

Rauðkál

2009-12-24T09:57:00.004Z

1 kg. rauðkál skorið í strimla
2 epli í bitum
1 dl. rifsberjahlaup eða önnur sulta
4 matsk. balsamedik
1 kanelstöng
4 negulnaglar
5 svört piparkorn
salt eftir smekk
2 dl vatn
3 dl. eplasafi

Rauðkál og epli sett í pott og hrært vel. Bætið sultu, balsamediki og kryddi í pottinn og síðan vatni og eplasafa. Hitið að suðu og látið malla við mjög vægan hita undir loki í um 1 klukkustund eða þar til rauðkálið er meyrt.

Ungverskar sítrónukökur

2009-11-14T10:19:00.004Z

100 gr. smjör
1 bolli sykur
1 egg
1 sítróna
1 1/4 bolli hveiti
1/2 tesk. matarsódi
1/4 tesk. salt
1 matsk. birkifræ (poppy seeds)

Hrærið smjör og sykur mjög vel saman. Rifið börkinn af sítrónunni og blandið honum ásamt safanum út í smjörhræruna. Bætið egginu saman við.
Blndið hveiti, matarsóda, salti og birkifræjum saman og hrærið þeim út í deigið.
Sett með teskeið á bökunarplötu og bakað við 175° í 10-12 mínútur. Passið að kökurnar verði ekki of dökkar því þá geta þær orðið beiskar.

Möndlukökur

2009-11-06T06:40:00.008Z

200 gr. smjör
2 egg
100 gr. hakkaðar möndlur
2 bollar hveiti
1 bolli sykur
1 tesk lyftiduft
1/2 tesk möndludropar
1/4 bolli flórsykur

Ofan á:
ca. 150 gr. heilar möndlur
1 egg

Hrærið saman öllu sem á að fara í deigið.
Búið til litlar kúlur og setjið á bökunarplötu. Þrýstið einni möndlu í hverja köku, penslið með eggi og bakið við 175° 10-12 mín.

Heslihnetukökur

2009-11-01T18:14:00.003Z

140 gr. hveiti
50 gr. malaðar heslihnetur
50 gr. sykur
140 gr. smjör

Ofan á:
1 matsk. flórsykur
1 tesk. vanillusykur

Hrærið öllu sem á að fara í deigið saman í hrærivél. Mótið litlar kúlur og setjið á bökunarplötu. Þrýstið með vísifingri ofan á hverja kúlu svo að komi dæld í kökuna. Bakið við 175° í 15-20 minútur. Blandið saman flórsykri og vanillusykri og sáldrið yfir kökurnar þegar þær eru orðnar kaldar.

Krabbasalat

2009-10-24T10:19:00.008+01:00

200 gr. krabbakjöt (surimi)
100 gr. hvítkál
1 matsk. ólífuolía
4 matsk. majones
2 matsk. sýrður rjómi
safi úr 1/4 lime
salt og pipar

Krabbakjötið er rifið niður í matvinnsluvél. Tekið úr og hvítkálið rifið níður í vélinni. Þessu er blandað saman og ólífuolíunni, majónesinu og sýrða rjómanum blandað vel saman við. Limesafinn kreistur út í og kryddað eftir smekk.

Rækjulummur

2009-10-24T10:07:00.006+01:00

80 gr. hveiti
2 egg
2 matsk. kalt vatn
300 gr. rækjur
1/2 blaðlaukur, saxaður smátt
2-3 matsk. söxuð steinselja
1 tesk. paprikuduft
salt og pipar

Hveiti, egg og vatn hrært saman þar til úr verður kekkjalaust deig. Rækjum, blaðlauk, steinselju og kryddi blandað saman við. Steiktar litlar lummur á vel heitri pönnu þar til þær eru fallega brúnaðar á báðum hliðum. Olían látin renna af þeim á eldhúspappír. Lummurnar eru borðaðar heitar eða kaldar með sýrðum rjóma.

Salsa sósa

2009-10-24T09:54:00.005+01:00

1 dós niðursoðnir tómatar
1 laukur
1 græn paprika
1 rautt chili (fræin fjarlægð)
1 hvítlauksrif
1/2 tesk. cummin
1/2 tesk. kóriander
2 matsk. sykur
salt og pipar

Saxið lauk og papriku mjög smátt og mýkið í olíu. Bætið tómötunum saman við (best er að nota saxða tómata) ásamt hvítlauk, chili og kryddi.
Látið sjóða við fremur vægan hita í 30 mínútur eða þar til sósan hefur þykknað.

Goan lambakjöt

2009-10-07T06:28:00.004+01:00

750 gr. lambakjöt
2 laukar
10 hvítlauksrif
1 tesk. turmeric
1 stjörnuanís
1 tesk. maldon salt
1 dós kókosmjólk

Engifermauk:
10 hvítlauksrif
50 gr. ferskt engifer
3 græn chilli

Saxið lauk og hvítlauk og mýkið á pönnu. Skerið kjötið í litla bita og bætið því á pönnuna. Steikið í nokkrar mínútur eða þar til kjötið hefur brúnast lítillega. Maukið hvítlauk, engifer og chilli og bætið saman við ásamt turmeric og látið malla í 6-7 mínútur. Blandið kókosmjólkinni þá saman við ásamt salti og stjörnuanís og látið sjóða við vægan hita í 30-40 mínútur. Dreifið söxuðu koriander yfir.

Naan brauð

2009-10-07T06:18:00.004+01:00

2 dl. mjólk
2 matsk. sykur
1 poki þurrger
600 gr. hveiti
1 tesk. salt
2 tesk. lyftiduft
4 matsk. olía
2 dl. jógúrt eða ab mjólk

Hnoðið deigið vel saman og látið lyfta sér í ca. 1 klukkustund. Skiptið því þá í 10 hluta, hnoðið lítillega og fletjið frekar þunnt út. Bakið við 275° í 5-7 mínútur. Ef vill má pensla brauðin með bræddu smjöri og strá á þau örlitlu grófu salti.

Chilli con carne

2009-10-07T05:47:00.008+01:00

500 gr. hakk
2 tesk. cummin
1 tesk. chiliduft
1/2 tesk. oregano
1 tesk. maldon salt
1/2 tesk. svartur pipar
2 matsk. hveiti
2 hvítlauksrif
2 dósir niðursoðnir tómatar
1 dós nýrnabaunir

Steikið hakkið á pönnu, blandið saman kryddi og hveiti og hrærið því saman við hakkið ásamt söxuðum hvítlauknum. Látið krauma í 1-2 mínútur. Hellið tómötunum saman við og látið sjóða í 40-50 mínútur eða þar til sósan er þykk og jöfn. Hellið soðinu af nýrnabaununum og látið þær sjóða með síðustu 5 mínúturnar.

Beikonbaka (Quiche Lorraine)

2009-10-07T05:34:00.008+01:00

Botn:
1 bolli hveiti
80 gr. smjör
3 matsk. súrmjólk eða rjómi

Fylling:
200 gr. beikon
1 bolli rifinn ostur
1/2 smátt saxaður laukur
4 egg
1 peli rjómi
1/2 tesk. maldon salt
1/2 tesk. svartur pipar

Fletjið deigið út í bökudisk. Skerið beikon í bita og léttsteikið ásamt lauknum. Dreifið beikoni, lauk og osti yfir bökubotninn, þeytið saman egg, rjóma og krydd og hellið yfir. Bakið við 175° í 45 mínútur

Vatnsmelónusalat

2009-07-25T08:11:00.011+01:00

1/2 vatsmelóna
150 gr. fetaostur
100 gr. rucola eða annað kál
1 rauðlaukur
2 matsk. svört sesamfræ
ólífuolía

Vatnsmelónan skorin í teninga á stærð við sykurmola og rauðlaukurinn í þunnar sneiðar. Salatið sett í skál, rauðlaukur melóna og sesamfræ sett saman við og blandað vel. Að lokum er fetaosturinn mulinn saman við og ólífuolíu eftir smekk hellt yfir.

Brownies

2009-06-04T19:57:00.005+01:00

125 gr. smjör
200 gr. suðusúkkulaði
1 matsk. Tia Maria (eða annar líkjör)
1 tesk. vanilludropar
3 egg
250 gr. sykur
1/2 tesk. salt
125 gr. hveiti

Smjör og súkkulaði brætt saman. Líkjörnum og vanilludropunum hrært saman við og látið kólna dálítið. Egg, sykur og salt þeytt mjög vel saman og súkkulaðiblöndunni hrært saman við.
Að lokum er hveitinu blandað gætilega saman við með sleikju en hrært sem allra minnst svo að loftið fari ekki úr deiginu.
Deiginu hellt í ferkantað pappírsklætt form og bakað við 175° í ca. 30 mínútur eða þar til prjónn sem stungið er í kökuna kemur hreinn út. Kakan er látin kólna í forminu og þegar hún er hálfköld er hún skorin í frekar litla ferkantaða bita.

Kúrbíts- og tómatgratín

2009-05-24T17:52:00.004+01:00

2 kúrbítar
6 tómatar
2 hvítlauksrif
ólífuolía
salt og pipar
brauðmylsna

Skerið kúrbít og tómata í þunnar sneiðar og raðið í eldfast mót, fyrst eitt lag af kúrbítssneiðum og tómatsneiðar þar ofan á. Dreifið olíu yfir ásamt helmingnum af hvítlauknum og saltið og piprið. Raðið síðan öðru lagi af kúrbít og tómötum, dreifið olíu og afganginum af hvítlauknum yfir, saltið og piprið og stráið að lokum brauðmylsnunni yfir.
Bakið við 200° í ca. 1 klukkustund.

Tartarsósa

2009-05-24T17:39:00.008+01:00

2 dósir sýrður rjómi
1/2 rauð paprika
1/2 laukur
1 krukka kapers
2-3 dropar tabasco sósa
paprikuduft
salt

Paprika, laukur og kapers saxað smátt og hrært saman við sýrða rjómann. Bragðbætt með tabasco sósu, paprikudufti og salti. Sósan kæld vel áður en hún er borin fram.

Skonsur

2009-05-03T11:15:00.005+01:00

5 dl. hveiti
2 1/2 tesk. lyftiduft
1 matsk. púðursykur
1/2 tesk. salt
4-5 dl. mjólk
1 egg
3 matsk. olía

Setjið þurrefnin í skál og hrærið 4 dl. af mjólk saman við svo að úr verði kekkjalaust deig. Hrærið egginu og matarolíunni saman við og bætið við meiri mjólk ef deigið er of þykkt. Bakið skonsurnar á pönnukökupönnu, notið 1-2 dl. af deigi í hverja köku.

Skonsumúffur

2009-04-12T12:44:00.005+01:00

8 dl. hveiti
1/2 tesk. salt
1 tesk. sykur
1 matsk. lyftiduft
1 dl. ólífuolía
4 dl. mjólk

Allt hrært saman í hrærivél. Deigið er mjög þykkt svo að ekki er hægt að hræra það í höndum. Sett í muffinsform og bakað við 250°C í 15 mínútur.
Úr uppskriftinni eiga að koma 12 stykki.

Hnetusósa (Satay sósa)

2009-04-12T12:39:00.007+01:00

150 gr hnetusmjör, crunchy
2 1/2 matsk. sojasósa
safi úr einu lime
1 matsk. rifinn engifer
1/2 tesk. púðursykur
1 hvítlauksrif, rifið
1 rautt chili, saxað smátt
3 dl. kókosmjólk

Allt sett í pott og hitað varlega að suðu.

Perur með gráðaosti

2009-04-09T10:56:00.004+01:00

Uppskrift frá Nigellu sem hefur fengið íslenska yfirhalningu

2 perur
4 matsk. marsalavín eða sherrý
2 matsk. fljótandi hunang
100 gr. pekanhnetur
1 pk. gráðaostur

Afhýðið og kjarnhreinsið perurnar og skerið hverja í 8 báta. Steikið í olíu á pönnu, ca. 3 mínútur á hverri hlið. Blandið víninu og hunanginu saman í skál og hellið yfir perurunar á pönnunni. Látið sjóða í nokkrar mínútur og færið perurnar þá á fat. Setjið hneturnar út í vínblönduna á pönnunni og látið sjóða í nokkrar mínútur við góðan hita. Bætið meira víni við ef þarf. Dreifið hnetunum yfir perurnar ásamt sósunni og myljið að lokum gráðostinn yfir.

Partýpizzur

2009-04-09T10:44:00.006+01:00

1 pk. smjördeig
200 gr. beikon
1/2 laukur
1 box sveppir
1/2 dós sýrður rjómi
1 egg
150 gr. rifinn ostur

Deigið flatt lítillega út og skornar út litlar kringlóttar kökur sem eru settar á plötu. Afskurðurinn hnoðaður lítillega með hveiti, flattur út og skornar út fleiri kökur. Beikonið, laukurinn og sveppirnir skorið smátt og steikt. Sett í skál og sýrðum rjóma, eggi og rifnum osti hrært saman við. Sett ofan á pizzurnar, ca. ein teskeið á hverja eða eftir smekk. Bakað við 180-200° í 10-15 mín.

Bananabrauð

2009-04-06T18:12:00.006+01:00

Amerísk uppskrift sem ég fékk hjá konu sem vinnur með mér.

2 egg
3 bananar
1 bolli sykur
1/2 bolli matarolía
2 bollar hveiti
1 1/2 tesk. lyftiduft
1/2 tesk. matarsódi
1/4 tesk. kanell
1/2 bolli saxaðar valhnetur

Hrærið saman í höndum egg, stappaða banana, olíu og sykur. Blandið þurrefnunum saman við og að lokum söxuðum valhnetum. Sett í smurt form og bakað við 180° í ca. 50 mínútur.

Kjúklinga tagine með hunangi

2009-04-05T12:47:00.004+01:00

1 1/2 kg. kjúklingabitar
2 laukar, saxaðir
2 dósir niðursoðnir tómatar
2 tesk. engiferduft
1 tesk. kanill
1/2 tesk. saffran
4 matsk. tært hunang
100 gr. ristaðar og saxaðar möndlur
1 matsk. ristuð sesamfræ
salt og pipar

Mýkið laukinn á stórri pönnu. Bætið tómötum og kryddi við og látið sjóða. Bætið kjúklingabitunum á pönnuna og sjóðið undir loki í 45 mínútur, snúið kjúklingabitunum annað slagið. Takið þá kjúklingabitana af pönnunni og látið sósuna sjóða við háan hita þar til hún hefur þykknað. Hrærið hunanginu saman við, setjið kjúklingabitana aftur á pönnuna og hitið vel. Dreifið möndlunum og sesamfræunum yfir áður en rétturinn er borinn fram.

Marens með karamellusósu

2009-03-26T19:40:00.010Z

5 eggjahvítur
2 dl. sykur
2 dl. púðursykur
1 tesk. maizenamjöl
1 tesk. lyftiduft

3 dl. rjómi

Karamellusósa:
120 gr. smjör
120 gr. púðursykur
1 tesk. vanilludropar
1/4 dl. rjómi

Eggjahvítur stífþeyttar ásamt sykri, maizenamjöli og lyftidufti. Mótaðir tveir botnar sem eru bakaðir við 130° í 1 1/2 klukkustund og síðan látnir kólna með ofninum.

Smjör og púðursykur brætt saman í potti. Vanilludropum og rjóma bætt saman við og látið sjóða í nokkrar mínútur.

Marensbotnarnir lagðir lagðir saman með þeyttum rjómanum. Karamellusósan kæld og síðan hellt yfir.

Frönsk súkkulaðiterta

2009-03-11T14:10:00.005Z

200 gr. smjör
200 gr. suðusúkkulaði
4 egg
3 dl. sykur
1 dl. hveiti
100 gr. fínt malaðir heslihnetukjarnar

Bræðið smjör og súkkulaði saman. Þeytið egg og sykur mjög vel saman. Þegar smjörið og súkkulaðið hefur kólnað aðeins (það má ekki vera heitt) er það látið út í eggjahræruna. Síðan er hveiti og hnetum blandað varlega saman við.
Bakið í tertuformi (springformi) við 180° í 35-40 mínútur. Athugið að kakan á að vera dálítið "klesst" í miðjunni.
Kakan er látin kólna í forminu og síðan skreytt með sigtuðum flórsykri og jarðarberjum. Borin fram með þeyttum rjóma

Panna cotta með hindberjum

2009-03-03T06:32:00.009Z

1 líter rjómi
2 vanillustangir
3 blöð matarlím
125 ml. mjólk
125 gr. flórsykur
6 tesk. vodki

Hindberjasósa:
300 gr. hindber
3 matsk. flórsykur

750 ml. af rjómanum sett í pott ásamt klofnum vanillustöngunum og soðið niður um þriðjung. Fræin skafin innan úr vanillustöngunum og blandað saman við rjómann.
Matarlímið er lagt í bleyti í mjólkinni í 15 mínútur. Tekið úr og mjólkin hituð að suðu. Matarlímið sett saman við og hrært þar til það hefur bráðnað. Blandað saman við heitan rjómann og blandan látin kólna. Afgangurinn af rjómanum er þeyttur ásamt flórsykrinum og blandað varlega saman við rjómablönduna þegar hún hefur kólnað.
Hellt í lítil form og látið stífna í ísskáp í a.m.k. 2 klukkustundir.
Hindberin sett í mixara og maukuð ásamt 3 matsk. af flórsykri.
Búðingunum er hvolft á diska, einni teskeið af vodka hellt yfir hvern þeirra og borið fram með hindberjasósunni.

Amerískar pönnukökur

2009-03-03T06:24:00.002Z

3 1/2 dl. hveiti
1/2 tesk. matarsódi
1 tesk. lyftiduft
1 tesk. sykur
1/2 tesk. salt
2 egg
3 1/2 - 4 dl. súrmjólk eða ab mjólk
2 matsk. olía

Öllu hrært saman í kekkjalaust deig. Sett með matskeið á heita pönnu, pönnukökurnar steiktar þar til þær eru fallega brúnaðar og loftbólur hafa myndast, snúið þeim þá við og steikið á hinni hliðinni.

Vatnsdeigsbollur

2009-02-19T20:12:00.006Z

80 gr. smjör
2 dl. vatn
100 gr. hveiti
2-3 egg
1/4 tesk. salt

Sjóðið vatn og smjör í potti þar til smjörið hefur bráðnað. Bætið þá hveitinu í og hrærið vel saman við. Stráið saltinu yfir og látið kólna lítillega. Þeytið eggin og bætið þeim smám saman út í deigið. Hrærið vel í á milli.
Búið til 12 bollur með tveimur skeiðum eða rjómasprautu og bakið þær við 200° í 20-30 mínútur. Athugið að ekki má opna ofninn fyrstu 15-20 mínúturnar.

Ólífukúlur

2009-02-19T17:12:00.008Z

75 gr. hveiti
75 gr. smjör
50 gr. rifinn ostur
25 gr. rifinn parmesan ostur
20-30 grænar, fylltar ólífur

Setjið allt nema ólífurnar í mixara og hrærið þar til allt hefur blandast vel saman. Rúllið deiginu utan um ólífurnar og hnoðið í litlar kúlur. Setjið í ísskáp og kælið í eina klukkustund.
Bakið kúlurnar við 220° í 10-15 mínútur.

Skyrterta

2009-02-16T11:59:00.009Z

Botn:
1 pk. Homeblest kex
3-4 matsk. smjör
Mulið saman og sett í botn á formi.

Kaka:
2 egg
140 gr. sykur
1 dós skyr (500 gr.)
7 blöð matarlím
2 tesk. vanillusykur
1 peli rjómi

Egg og sykur þeytt vel, skyrinu og vanillusykrinum hrært saman við. Matarlímið brætt og hrært út í. Rjóminn þeyttur og blandað varlega saman við. Hellt yfir kexbotninn og kælt í nokkra klukkutíma.

Veislupasta

2009-02-15T10:38:00.005Z

500 gr. pastaslaufur
200 gr. skinka
1 1/2 paprika, skorin í bita
200 gr. rjómaostur
3 hvítlauksrif
250 gr. beikon
200 gr. sneiddir sveppir
1 peli rjómi
steinselja, salt og pipar

Skinka og beikon sneitt og steikt. Grænmeti bætt á pönnuna og látið krauma svolitla stund. Rjóma, osti og hvítlauk bætt við og látið sjóða. Pastað soðið og sett saman við, kryddað að vild.
Borið fram með salati og brauði.

Banana pönnukökur

2009-02-15T10:21:00.007Z

5 dl. hveiti
4 tesk. lyftiduft
1/2 tesk. salt
2 matsk. sykur
3-4 dl. mjólk
2 egg
2 matsk. olía
3-4 stappaðir bananar

Setjið hveiti, lyftiduft, salt og sykur í skál. Hellið mjólkinni saman við og hrærið þar til deigið er kekkjalaust. Hrærið þá eggjunum og olíunni við og að síðustu stöppuðum banönum.
Steikið pönnukökurnar á heitri pönnu þar til þær eru fallega brúnaðar og loftbólur hafa myndast, snúið þeim þá við og steikið á hinni hliðinni.
Pönnukökurnar eru bornar fram með smjöri og sírópi eða hunangi.

Flapjacks

2009-02-12T06:34:00.008Z

175 gr. smjör
75 gr. púðursykur
2 matsk. síróp
225 gr. haframjöl
50 gr. kókosmjöl

Bræðið smjör, síróp og púðursykur saman í potti við vægan hita. Blandið haframjölinu og kókosmjölinu saman við með sleif og hrærið þar til allt hefur blandast vel.
Setjið blönduna í form og bakið við 180° í 20 mínútur.
Látið kökuna kólna alveg í forminu áður en hún er skorin í bita.

Spaghetti með kræklingi

2009-01-24T09:15:00.006Z

Uppskriftin er fyrir tvo

250 gr. spaghetti
450 gr. kræklingur í skel
1 laukur
4 hvítlauksrif
1 dós niðursoðnir tómatar eða 500 gr. ferskir tómatar
2 matsk. tómatpuree
1 búnt steinselja, smátt söxuð
salt og pipar

Saxið laukinn smátt og merjið hvítlaukinn. Mýkið í ólífuolíu í ca. 5 mínútur. Bætið þá tómötunum á pönnuna og sjóðið við vægan hita í ca. 15 mínútur. Ef notaðir eru ferskir tómatar þarf að taka af þeim hýðið og saxa þá gróft. Bætið þá kræklingnum við og látið sjóða undir loki í ca. 5 mínútur. Að lokum helmingnum af steinseljunni hrært saman við ásamt soðnu spaghettinu, restinni af steinseljunni er svo stráð yfir réttinn áður en hann er borinn fram.

Pönnukökur

2009-01-21T19:37:00.006Z

3 3/4 dl. hveiti
1/2 tesk. salt
2 tesk. sykur
1 tesk. lyftiduft
3 egg
6 dl. mjólk
3 matsk. matarolía
1/2 tesk. vanilludropar

Hveiti, salt, sykur og lyftiduft sett í skál. Helmingnum af mjólkinni blandað saman við og hrært þar til deigið er kekkjalaust. Bætið þá eggjunum, afganginum af mjólkinni, matarolíunni og vanilludropunum saman við. Bætið meiri mjólk við ef þarf.
Pönnukökurnar verða fallegar á litinn ef 1/2-1 dl. af kaffi er blandað saman við deigið.

Ef setja á ósæta fyllingu í pönnukökurnar er sykrinum og vanilludropunum sleppt.

Waldorfsalat

2008-12-30T17:45:00.005Z

200 gr. majones
1 peli þeyttur rjómi
salt, sykur og sítrónusafi eftir smekk
3-4 sneiddir sellerístönglar
3 afhýdd og smátt skorin rauð epli
1 klasi græn vínber skorin í tvennt
50 gr. hakkaðir valhnetukjarnar

Öllu blandað saman og kælt. Best er að gera salatið sama dag og á að nota það því það geymist ekki mjög lengi.

Rauðlaukssulta

2008-12-30T17:31:00.004Z

6 rauðlaukar í sneiðum
2 matsk. smjör
3 matsk. sykur
3 matsk. rauðvínsedik
Salt og pipar

Rauðlaukurinn mýktur í smjörinu. Sykri og ediki hellt saman við og látið sjóða þar til sultan hefur þykknað. Saltað og piprað eftir smekk

Baunasalat

2008-12-30T16:57:00.007Z

1 dós grænar baunir
1 dós maisbaunir
1 dós nýrnabaunir
1 græn paprika, smátt söxuð
1/2 bolli smátt saxaður laukur
1/2 bolli smátt saxað sellerí
2/3 bolli edik
1/2 bolli sykur
1/2 bolli matarolía
1 tesk. salt
1/2 tesk. worchestershiresósa
1/4 tesk. pipar

Skolað af baununum. Edik, sykur og olía volgrað í potti.
Öllu blandað saman og látið bíða í amk. 8 klst.
Geymist vel í kulda

Amerískar súkkulaðibitakökur

2008-12-30T16:24:00.010Z

2 1/4 bolli hveiti
3/4 bolli púðursykur
3/4 bolli sykur
1 bolli smjör
1 bolli brytjað súkkulaði
1 bolli saxaðar möndlur
2 egg
1 tesk. matarsódi

Öllu blandað saman. Deigið sett með teskeið á bökunarplötu og bakað við 200° í 10-12 mínútur.

Lakkrístoppar

2008-12-28T05:32:00.009Z

3 eggjahvítur
200 gr. púðursykur
150 gr. rjómasúkkulaði
2 litlir pokar súkkulaðihúðað lakkrískurl

Stífþeytið eggjahvíturnar, bætið púðursykrinum við og þeytið áfram þar til sykurinn er alveg horfinn. Bætið söxuðu súkkulaði og lakkrískurli við. Setjið með teskeið á plötu með bökunarpappír og bakið við 175° í 12-14 mínútur.

Franskar piparkökur

2008-12-02T22:37:00.007Z

Þessi uppskrift kemur frá Áslaugu Agnarsdóttur

250 gr. smjör
200 gr. síróp
200 gr. sykur
2-3 tesk. kanill
2 tesk. negull
2 tesk. engifer
1 1/2 matsk. koníak
500 gr. hveiti
1 tesk. matarsódi
60 gr. hakkaðar möndlur.

Smjör, síróp og sykur er hrært saman, síðan er kryddinu og koníakinu bætt í. Næst er hveitinu, matarsódanum og síðast möndlunum hnoðað saman við. Búnar eru til lengjur sem eru geymdar í ísskáp yfir nótt. Lengjurnar eru síðan skornar í sneiðar og bakaðar í 7-8 mínútur við 180° hita.

Kókoskökur með súkkulaði

2008-12-02T22:23:00.008Z

2 egg
2 dl. sykur
3 dl. kókosmjöl
2 dl. hveiti
1 tesk. lyftiduft
50 gr brytjað súkkulaði

Egg og sykur þeytt vel saman. Þurrefnum og súkkulaði blandað saman við eggjahræruna og sett með teskeið á plötu. Bakað við 160°c í ca. 10 mínútur.

Hnetusmjörskonfekt

2008-12-02T22:09:00.008Z

50 gr. púðursykur
200 gr. flórsykur
50 gr. smjör
200 gr. hnetusmjör
200 gr. rjómasúkkulaði
100 gr. suðusúkkulaði
1 matsk. smjör

Hrærið hnetusmjör, púðursykur og flórsykur vel saman. Klæðið 23 sm. form með bökunarpappír og þrýstið hnetusmjörs-
blöndunni í botninn. Bræðið súkkulaðið ásamt 1 matsk. af smjöri og dreifið yfir hnetusmjörsblönduna. Kælið vel og skerið í litla bita.

Penne með graskeri og sveppum

2008-09-12T19:30:00.006+01:00

300 gr. penne pasta

1 grasker (butternut squash)
1 rauðlaukur
150 gr. sveppir
4 hvítlauksrif
1 tesk. oregano
salt, pipar, ólífuolía

Sósa:
1 matsk. ólífuolía
1 laukur
1 dl. hvítvín
1.5 dl. rjómi
salt og pipar

Graskerið afhýtt, skorið í bita og sett í ofnskúffu. Rauðlaukur og sveppir skorin í sneiðar og sett ofan á graskerið. Hvílaukurinn marinn og dreift yfir. Ólífuolíu dreypt yfir ásamt kryddinu. Bakað við 200° í 30-40 mínútur, hrært í nokkrum sinnum.

Á meðan grænmetið er eldað er sósan búin til. Laukurinn saxaður smátt og eldaður í ólífuolíunni þar til hann er mjúkur en hefur ekki brúnast. Hvítvíninu hellt saman við og látið sjóða í nokkrar mínútur eða þar til vínið hefur soðið niður um rúmlega helming. Rjómanum bætt við og látið sjóða nokkrar mínútur eða þar til sósan er þykk. Bragðbætt með salti og pipar.

Blandið soðnu pastanu saman við sósuna ásamt 3/4 af grænmetinu. Sett á stóran disk og afganginum af grænmetinu dreift yfir.

Lambaborgarar

2008-09-10T10:50:00.007+01:00

1.5 kg. lambahakk
1 rautt chilli, smátt saxað
4 hvítlauksrif, marin
1 búnt vorlaukur, skorinn í sneiðar
1 búnt steinselja
200 gr. mulinn fetaostur
1 egg
salt og pipar

Öllu hnoðað saman í höndum og mótaðir 12-14 hamborgarar.

Pestó

2008-08-29T11:32:00.004+01:00

50 gr. basil (eingöngu laufin)
2 hvítlauksrif, söxuð
3 matsk. ólífuolía
3 matsk. furuhnetur
3 matsk. rifinn parmesan ostur

Allt sett í matvinnsluvél og maukað. Bragðbætt með salti ef þarf.

Bifteki

2008-08-06T15:23:00.008+01:00

1 kg. hakk
1/2 dl. jógúrt
1 tesk. salt
1/2 tesk. malaður pipar
100 gr. feta ostur

Hakki, jógúrti og kryddi blandað vel saman. Feta osturinn skorinn í ræmur. Mótaðar ca. 14 aflangar bollur sem eru fylltar með ostinum. Saltað lítillega og síðan steikt á pönnu eða grillað á útigrilli þar til hakkið er eldað í gegn og osturinn byrjaður að mýkjast.

Rækju saganaki

2008-08-06T15:15:00.005+01:00

400 gr. risarækja
6 tómatar
1/2 tesk. cayenne pipar
2 matks. ólífuolía
100 gr. feta ostur
salt, sykur

Tómatarnir afhýddir, skornir í bita og eldaðir á pönnu ásamt ólífuolíu og kryddi þar til þeir eru orðnir að þykkri sósu.
Rækjurnar settar í eldfast mót, sósunni hellt yfir og bakað við 200° í 10 mínútur. Osturinn skorinn í bita og dreift yfir, sett undir heitt grill í ca. 5 mínútur.

Kartöflugratín

2008-08-06T15:05:00.005+01:00

1.5 kg. kartöflur
300 gr. rjómaostur
1/2 l. rjómi
salt

Kartöflurnar skornar í þunnar sneiðar og raðað í eldfast mót. Rjómaostur og rjómi brætt saman í potti, bragðbætt með salti og síðan hellt yfir kartöflurnar.
Bakað við 175° í ca. 2 klukkustundir.

Frönsk tómatbaka

2008-08-01T09:52:00.011+01:00

375 gr. smjördeig
150 gr. marcarpone ostur
50 gr. rifinn parmesan ostur
12-14 tómatar
salt, pipar, ólífuolía

Pestó:
50 gr. basil (eingöngu laufin)
2 hvítlauksrif, söxuð
3 matsk. ólífuolía
3 matsk. furuhnetur
3 matsk. rifinn parmesan ostur

Byrjið á að búa til pestóið, allt sett í matvinnsluvél og maukað. Bragðbætt með salti ef þarf.

Smjördeigið flatt út í 25x35 sentimetra ferning og sett á bökunarplötu. Mascarpone, parmesan og helmingurinn af pestóinu hrært saman og smurt yfir smjördeigið, 2 sentimetra kantur skilinn eftir. Tómatarnir skornir í sneiðar og raðað þétt yfir, fyrsta og síðasta sneiðin eru ekki notaðar. Salti, pipar og ólífuolíu dreift yfir og bakað við 200° í 40 mínútur. Þá er hitinn lækkaður í 150° og bakað áfram í 30 mínutur. Áður en bakan er borin fram er afganginum af pestóinu dreift yfir.

Arabísk kjúklingabaka

2008-07-09T08:51:00.004+01:00

100 gr. bulgur
1 laukur, saxaður
500 gr. kjúklinga- eða kalkúnahakk
50 gr. þurrkaðar apríkósur, saxaðar
25 gr. saxaðar möndlur
1 tesk. kanell
1/2 tesk. allrahanda
1 dl. jógúrt
3 matsk. saxaður graslaukur
salt og pipar
200 gr. fillodeig
50 gr. smjör

Hellið 150 ml. af soðnu vatni yfir bulgur kornið og látið standa í 10 mínútur. Steikið hakkið og laukinn, bætið apríkósum, möndlum og bulgur saman við og eldið áfram í 2 mínútur. Takið af hitanum og bætið við kryddi, graslauk og jógúrti. Bragðbætið með salti og pipar.
Penslið helminginn af fillodeiginu með smjöri og setjið í eldfast mót. Setjið fyllinguna í mótið, penslið afganginn af deiginu með smjöri og setjið ofan á. Lokið bökunni og bakið við 200° í 30 mínútur.
Bökuna má borða heita eða kalda.

Allioli

2008-06-16T19:33:00.007+01:00

1 egg
1 hvítlauksrif
safi úr 1/2 sítrónu
1 tesk. sinnep
salt
2.5 dl. bragðlítil olía

Egg, hvítlaukur, sítrónusafi, sinnep og salt sett í matvinnsluvél og hrært vel. Olíunni blandað saman við smátt og smátt þar til sósan er orðin þykk eins og majones.

Kjúklingasúpa

2008-06-16T19:27:00.003+01:00

750 ml. gulrótarsafi
750 ml. kjúklingasoð
4 blaðlaukar
700 gr. kjúklingur (bringur eða beinlaus læri)
salt eftir smekk

Gulrótarsafi og kjúklingasoð sett í pott og hitað að suðu. Blaðlaukurinn skorinn í sneiðar og settur út í. Látið sjóða í 30 mínútur. Kjúklingurinn skorinn í litla bita og látinn sjóða í súpunni í ca. 10 mínútur.

Moussaka

2008-06-16T09:12:00.006+01:00

1 kg. hakk
1 stór laukur
2 dósir niðursoðnir tómatar
1/2 tesk. oregano
1/2 tesk. kanill
2 lárviðarlauf
4 eggaldin
salt og pipar eftir smekk

100 gr. smjör
4 matsk. hveiti
1/2 l. mjólk
120 gr. rifinn parmesanostur
3 egg
1/2 rifin múskathneta

Brúnið hakkið og bætið söxuðum lauk saman við. Steikið þar til laukurinn er orðinn glær en ekki brúnaður. Bætið þá tómötum og kryddi út í og látið sjóða undir loki í ca. 1 klukkustund. Ef sósan er of þunn er lokið tekið af pottinum síðustu 10 mínúturnar.
Skerið eggaldinið í sneiðar, penslið þær með olíu og steikið á heitri pönnu þar til þær eru fallega brúnaðar.
Bræðið smjörið í potti og hrærið hveitinu saman við. Bætið mjólkinni við smátt og smátt. Látið sjóða í um 5 mínútur og hrærið stanslaust í svo að sósan brenni ekki við. Bætið parmesan ostinum í ásamt múskatinu og saltið að lokum ef þarf. Látið sósuna kólna lítillega og hrærið svo eggjunum saman við, einu í einu.
Raðið helmingnum af eggaldinsneiðunum í eldfast mót, setjið kjötsósuna þar yfir, raðið síðan afganginum af eggaldinsneiðunum yfir og hellið sósunni yfir.
Bakið við 175° í um 45 mínútur.

Grískt salat

2008-06-16T09:07:00.003+01:00

4 stórir tómatar
1 agúrka
1 paprika
1 rauðlaukur
150 gr. steinlausar kalamata ólífur
200 gr. fetaostur
ólífuolia eftir smekk

Tómatarnir skornir í bita, agúrkan afhýdd og skorin í bita. Paprika og rauðlaukur skorin í þunnar sneiðar. Öllu blandað saman í skál, ólífum og muldum feteaosti dreift yfir. Ólífuolíunni hellt yfir í lokin og ef vill má krydda með örlitlu þurrkuðu oregano.

Brasilískur kókoskjúklingur

2008-06-13T08:50:00.009+01:00

1200 gr. kjúklingabringur
2 tesk. cummin
2 tesk. turmerik
2 tesk. coriander
1 tesk. cayenne pipar
salt og pipar
2 laukar, saxaðir
2 matsk. rifinn engifer
1 rautt chilli, fræhreinsað og saxað smátt
4 hvítlauksrif, marin
6 tómatar, saxaðir og fræhreinsaðir
2 dósir kókosmjólk
1 steinseljubúnt

Blandið saman cummin, cayenne pipar, turmerik og coriander. Bragðbætið með salti og pipar og nuddið á kjúklingabringurnar.
Steikið kjúklinginn í 10 - 15 mínútur á hvorri hlið, eða þar til hann er eldaður í gegn. Setjið til hliðar.
Steikið lauk, engifer, chilli og hvítlauk við vægan hita í 5 mínútur. Bætið þá tómötunum við og eldið áfram í 5 - 8 mínútur. Hrærið kókosmjólkinni saman við, setjið kjúklinginn í sósuna og hitið þar til kjúklingurinn er heitur í gegn.
Dreifið saxaðri steinseljunni yfir réttinn.

Hnetu muffins

2008-06-11T14:10:00.007+01:00

270 gr. hveiti
1 matsk. lyftiduft
170 gr. púðursykur
1/8 tesk. salt
170 ml. mjólk
2 egg
100 gr. brætt smjör
200 gr. gróft malaðar hnetur

Hveiti, lyftidufti, salti og sykri blandað saman í skál. Egg, mjólk og smjör hrært saman í höndum og blandað saman við þurrefnin.
Að lokum er hnetunum blandað saman við.
Sett í 12 muffins form og bakað við 200° í 20 - 22 mínútur.

Sesar salat

2008-06-03T14:10:00.008+01:00

4 romaine salathöfuð eða eitt iceberg höfuð
6 eldaðar kjúklingabringur
5-6 ristaðar brauðsneiðar, skornar í teninga
rifinn parmesan ostur

Salatið skorið niður og skipt á 6 diska, sósunni dreift yfir. Kjúklingurinn skorinn í sneiðar og settur yfir salatið ásamt brauðteningunum. Parmesan ostur rifinn yfir.

Sósa:
1 dós ansjósur
2 hvítlauksrif
1/2 bolli ólífuolía
1/2 bolli bragðmild olía
1/2 tesk. maldon salt
2 egg
safi úr einni sítrónu
1 bolli rifinn parmesan ostur

Allt nema parmesan osturinn sett í matvinnsluvél og maukað. Ostinum blandað saman við.

Eton mess

2008-04-25T08:36:00.004+01:00

400 gr. jarðarber
1 matsk. appelsínulíkjör
1/2 líter rjómi
100 gr. marens

Jarðarberin skorin í bita, líkjörnum hellt yfir og látið standa í smá stund. Rjóminn þeyttur, jarðarberjunum blandað saman við og að lokum er marensinn mulinn gróft saman við.
Best er að borða eftirréttinn strax og marensinn hefur verið settur í því hann verður fljótt linur.

Skólastjórasúpa

2008-04-25T08:23:00.008+01:00

Þessa uppskrift fékk ég frá konu sem vinnur með mér.

3–4 matsk. olía
1 1/2 matsk. karrý
1 heill hvítlaukur
1 blaðlaukur
1 rauð paprika
1 græn paprika
1 lítið blómkálshöfuð
1 lítið brokkolihöfuð
1 flaska Heins Chilisósa
1.5 líter kjúklinga- eða grænmetissoð
400 gr. rjómaostur
1 peli rjómi
4 kjúklingabringur
Salt og pipar

Grænmetið skorið og steikt ásamt karrýinu. Chilisósa og soð sett í pottinn ásamt rjómaosti og rjóma. Hrært vel í á meðan suðan kemur upp.
Kjúklingabringurnar kryddaðar og steiktar, skornar í bita og settar út í súpuna rétt áður en hún er borin fram.

Lambakjöt með spínati (Sag Gosht)

2008-04-21T08:42:00.004+01:00

1 kg. lambakjöt, skorið í litla bita
1 1/2 tesk. sinnepsfræ
2 hvítlauksrif, marin
2 tesk. kardimommur
1 matsk. koriander
4 sm. engifer, saxaður smátt
1 laukur
1 grænt chilli, fræhreinsað og saxað smátt
1 tesk. sykur
1 tesk. turmerik
300 gr. spínat
1 tesk. maldon salt
1 lítil dós jógúrt

Steikið sinnepsfræin í heitri olíu á djúpri pönnu þar til þau byrja að poppast. Bætið þá hvítlauk, kardimommum, koriander og engifer á pönnuna, steikið í eina mínútu og hrærið stanslaust í á meðan. Bætið lambakjötinu, lauk og chilli á pönnuna og steikið þar til kjötið er er fallega brúnað. Hrærið þá sykri, turmerik og spínati saman við og sjóðið í 3 mínútur. Saltið og hrærið jógúrtinu saman við, lækkið hitann og látið malla undir loki í um eina klukkustund.

Badami kjúklingur (Möndlukjúklingur)

2008-04-21T08:26:00.006+01:00

1 kg. beinlaus kjúklingur, skorinn í bita
1 lítil dós jógúrt
6 laukar, saxaðir
2 sm. engifer
10 hvítlauksrif
6 negulnaglar
1/2 kanelstöng
4 kardimommur
10 möndlur
10 kasjú hnetur
3 matsk. vatn
1/2-1 dós kókosmjólk
1 matsk. turmerik
salt og chilli duft

Engifer, hvítlaukur, negull, kanill, kardimommur, hnetur og möndlur sett í matvinnsluvél og maukað. Laukurinn steiktur í olíu þar til hann er orðinn mjúkur. Kryddmaukinu bætt á pönnuna ásamt vatninu og steikt í nokkrar mínútur.
Kjúklingur, turmerik, chilli duft og jógúrt sett saman við, saltað og látið sjóða í 20 mínútur. Kókosmjólkinni bætt við og látið sjóða í nokkrar mínútur.
Ef vill má skreyta réttinn með koriander laufum.

Banana raita

2008-04-21T08:13:00.008+01:00

1 bolli grískt jógúrt
1 tesk cummin duft
1/4 tesk cummin fræ, þurrsteikt
salt og paprikuduft
75 gr. græn vínber, steinlaus og skorin í fernt
2 bananar, skornir í bita

Öllu blandað saman, paprikudufti stráð yfir og kælt vel

Rauðlauks-mangósalat

2008-04-18T09:54:00.006+01:00

1 þroskað mangó
1 rauðlaukur
2 kíví
1/2 agúrka
1 matsk. fersk mynta, söxuð
2 matsk. olía
safi úr einu lime
1 rautt chili, fræhreinsað og saxað smátt
1 matsk fljótandi hunang
salt og pipar

Skerið mangóið í bita, rauðlaukinn í þunnar sneiðar, kiwi og agúrku í tvennt og svo í sneiðar. Blandið þessu saman í skál. Setjið myntu, koriander, olíu, limesafa, chili og hunang í aðra skál og blandið vel. Saltið og piprið eftir smekk. Hellið leginum yfir salatið og blandið varlega saman.

Hunangssósa

2008-04-18T09:49:00.005+01:00

Frábær sósa með grilluðum kjúklingi eða fiski.

1 dós sýrður rjómi
2 matsk. hunang
1 matsk. dijon sinnep
1 tesk. kreóla- eða cajunkryddblanda

Öllu hrært saman í skál og síðan kælt.

Döðlubrauð

2008-04-14T16:03:00.006+01:00

1 bolli vatn
2.5 bollar spelt
2 tesk. þurrger
1 tesk. salt
1/2 tesk. múskat
1 bolli saxaðar döðlur
1 dl. saxaðar hnetur

Öllu hnoðað saman og deigið látið lyfta sér í um 45 mínútur. Sett í aflangt form sem klætt hefur verið með bökunarpappír og bakað í 25-30 mínútur við 200°

Bleikt byggsalat

2008-04-05T09:13:00.009+01:00

1.5 dl. bygg
250 gr. soðnar rauðrófur, ekki í ediki
1 rauðlaukur
100 gr. feta ostur
1 lime
100 gr. salatblöð
1 matsk. furuhnetur (má sleppa)
ólífulía
salt, pipar

Byggið er lagt í bleyti í 4.5 dl. af vatni og safa úr hálfu lime. Látið standa í nokkra klukkutíma, helst yfir nótt. Soðið í 20-30 mínútur eða þar til það er mjúkt og síðan skolað undir rennandi köldu vatni.
Rauðrófurnar skornar í litla bita, rauðlaukurinn skorinn í þunnar sneiðar og blandað saman við byggið. Ólífuolíu dreypt yfir ásamt safa úr hálfu lime, saltað og piprað.
Salatblöðin söxuð og sett á fat. Byggsalatið sett yfir ásamt furuhnetunum og fetaosturinn mulinn yfir.

Spanakopita

2008-04-04T08:12:00.005+01:00

200 gr. fillo deig
500 gr. spínat
250 gr. blaðlaukur
1 laukur
150 gr. fetaostur, mulinn
2 egg
salt

Blaðlaukurinn skorinn í sneiðar og laukurinn saxaður smátt. Steikt í olíu þar til mjúkt. Spínatið sett á pönnuna og steikt áfram í nokkrar mínútur eða þar til það er eldað.
Eggin og fetaosturinn hrært saman ásamt salti og spínatblöndunni blandað saman við.
Fillo deigs arkirnar penslaðar með olíu og 3/4 settar í botninn á eldföstu móti, látið deigið ná vel yfir hliðarnar. Fyllingin sett í mótið og afgangurinn af deiginu settur yfir. Hliðarnar brotnar yfir og bakað við 200° í um 45 mínútur.